轮回规律 - 谢旦/拉措

词：拉泽可索

曲：左钦旦增

音乐宣传：谢旦贴吧工作室

རྫ་སྨུག་པོ་འབྲོང་གི་ཕ་ས་རེད།།

ནངས་སྔ་མོར་རྩྭ་ཆུ་མཉམ་རོལ་རེད།།

དགུང་ཕྱི་དྲོར་གཅིག་ལུས་གཉིས་འགྲོ་རེད།།

གཞི་འཁོར་བ་ཟེར་ན་འདི་འདྲ་རེད།།

གཞི་འཁོར་བ་ཟེར་ན་འདི་འདྲ་རེད།།

མཚོ་སྔོན་མོ་ངང་པའི་འཁོར་ས་རེད།།

ནངས་སྔ་མོར་མཉམ་རྩེ་མཉམ་ལྡིང་རེད།།

དགུང་ཕྱི་དྲོར་ལྷོ་འཕུར་བྱང་འཕུར་རེད།།

གཞི་འཁོར་བ་ཟེར་ན་འདི་འདྲ་རེད།།

གཞི་འཁོར་བ་ཟེར་ན་འདི་འདྲ་རེད།།

བྱང་ཨ་ཆེན་རྐྱང་དཀར་འཁྲབ་ས་རེད།།

ནངས་སྔ་མོར་མཉམ་རྩེ་མཉམ་རྒྱུག་རེད།།

དགུང་ཕྱི་དྲོར་ལ་འཐོར་ལུང་འཐོར་རེད།།

གཞི་འཁོར་བ་ཟེར་ན་འདི་འདྲ་རེད།།

གཞི་འཁོར་བ་ཟེར་ན་འདི་འདྲ་རེད།།

གྲོང་ཁྲ་མོར་ན་ཟླ་འདུ་ས་རེད།།

ལོ་གཞོན་དུས་མཉམ་རྩེ་མཉམ་འུར་རེད།།

དུས་དེ་སང་ག་ཡོད་ཆ་མེད་རེད།།

གཞི་འཁོར་བ་ཟེར་ན་འདི་འདྲ་རེད།།

གཞི་འཁོར་བ་ཟེར་ན་འདི་འདྲ་རེད།།

སྡེ་གཡང་ཁྱིམ་ཕ་འཛོམ་མ་འཛོམ་རེད།།

ཚེ་སྔ་སྟོད་བཀྲ་ཤིས་གཡང་ཆགས་རེད།།

ལོ་རྒས་དུས་ནམ་འཆི་ཆ་མེད་རེད།།

གཞི་འཁོར་བ་ཟེར་ན་འདི་འདྲ་རེད།།

གཞི་འཁོར་བ་ཟེར་ན་འདི་འདྲ་རེད།།

གཞི་འཁོར་བ་ཟེར་ན་འདི་འདྲ་རེད།།